Жыл сайын 17 мамырда атап өтілетін Дүниежүзілік артериялық гипертонияға қарсы күрес күні, сондай-ақ May Measurement Month (MMM2026) халықаралық бастамасы шеңберінде «С.Ж. Асфендияров атындағы Қазақ ұлттық медицина университеті» КЕАҚ-ы кардиология кафедрасының профессорлық-оқытушылық құрамы мен резиденттері «Артериялық гипертензия: білу, емдеу, бақылау» ұранымен әлеуметтік алдын алу акциясын өткізуге белсене қатысты.
Артериялық гипертония миокард инфаркті, инсульт және басқа да жүрек-қан тамырлары ауруларының негізгі тәуекел факторларының бірі болып қала береді. Дүниежүзілік денсаулық сақтау ұйымының мәліметінше, Қазақстанның әрбір екінші ересек тұрғынында қан қысымының көтерілуі байқалады, бұл ерте анықтау мен алдын алу шараларының маңыздылығын көрсетеді.
Акция аясында Талғар ауданының Панфилов ауылдық округі аумағында, соның ішінде Панфилов, Қарабұлақ және Жібек жолы елді мекендерінде профилактикалық алаңдар ұйымдастырылды.
Іс-шара барысында кафедра резиденттері мен оқытушылары:
- тұрғындар арасында қан қысымын өлшеу;
- артериялық гипертензияның алдын алу және бақылау мәселелері бойынша кеңес беру;
- ақпараттық-түсіндіру жұмыстары;
- салауатты өмір салтын жүргізу бойынша білім беру материалдары мен ұсынымдарды тарату.
