26 маусымда әлемнің көптеген елдерінде Халықаралық нашақорлыққа және олардың заңсыз айналымына қарсы күрес күні атап өтіледі. Бұл күнді БҰҰ Бас Ассамблеясы 1987 жылы 7 желтоқсанда нашақорлықтан азат халықаралық қоғам құру мақсатына жету жолындағы белсенділік пен ынтымақтастықты нығайтуға бел буғанының белгісі ретінде белгіледі.
Бірақ біз есірткі туралы не білеміз және ол неге қауіпті? Бұл темекі шегу немесе фастфудты көп жеу сияқты зиянды әдет емес. Есiрткi – бұл тәуелдiлiк, тұзақ, ол өз желiсiн тартып, тек дене және психикалық денсаулықты ғана емес, жалпы адам өмiрiн де бұзады. Есірткінің бірінші дозасынан кейін әдетте жалғасы келеді – ми психобелсенді заттармен күшті ынталандыруға тез үйренеді. Сондықтан есірткіге тәуелділіктен құтылу өте қиын, ал ол нашақорлар үшін ғана емес, қоршаған орта үшін де проблема көзіне айналады. Есірткінің әсері жеке қасірет шегінен шығады. Бұл – криминал, шаңырағы шайқалған отбасылар, ұрпақ үшін жоғалған болашақ.
Осыған орай ҚазҰМУ-дің психиатрия мамандығының резиденттері нашақорлықтың зияны туралы бейнероликтер ұсынады.
